Бір жігіт намаз оқитын қызға үйленген екен. Өзі де намазхан болса да, бір жаман әдеті бар еді – темекі көп шегетін. Алғашқы неке түнінен кейін, оянған соң қараса, жұбайының басы аяқ жағында жатқанын көреді. Жұбайынан: «Сүйіктім, неге басыңды бір жастыққа қоймай, аяқ жағыма қойып жатсың?» деп сұрайды. Сонда ақылды жары: «Отағасы, басымды бір жаққа қояйын десем, ауызыңыздан жаман иіс шығады екен. Одан гөрі аяғыңыздың иісін иіскеп жатайын деп едім», – деп жауап беріпті. Жігіт оның себебі темекі шеккен айыбынан екенін біліп, сол күннен бастап жаман әдетінен арылыпты. Әлбетте, темекі шегу – Алла тыйым салған жаман істерге жатады. Сондай-ақ, Пайғамбарымыз (с.а.с.): «Кімде-кім сарымсақ не пияз жеген болса, бізге жақындамасын немесе біздің мешітімізге жақындамай үйінде отырсын», – деп бұйырған болатын. (Бухари) Осының бәрін ақылды әйел, оңтайлы жолмен жарына жақсы жеткізіп, харамнан тыйылуына себепші болды. Алла әрбір отбасына имандылықты, бір-біріне лайықты жар болуды нәсіп етсін! Қуат ҚАБДОЛДА

Барлық құқықтар қорғалған. Kazislam.kz порталына сілтеме беру міндетті: Күйеуіне темекіні тастатқан ақылды әйел | Қазақстандағы Ислам