Қазіргі таңда діни экстремизм мен терроризм әлемдік қоғам үшін ең өзекті мәселелердің бірі болып отыр. Бұл құбылыстар мемлекет қауіпсіздігіне ғана емес, қоғамның тұрақтылығы мен адамдардың бейбіт өміріне үлкен қауіп төндіреді. Сондықтан діни экстремизм мен терроризмнің алдын алу – әрбір елдің маңызды міндеті.
Діни экстремизм – белгілі бір діни көзқарасты шектен тыс ұстанып, қоғамда алауыздық туғызуға бағытталған әрекет. Ал терроризм – қорқыту, күш көрсету арқылы саяси немесе діни мақсатқа жетуді көздейтін заңсыз іс-әрекет. Мұндай теріс ағымдар көбіне жастарды өз қатарына тартуға тырысады. Себебі жастар – қоғамның белсенді әрі сенгіш бөлігі.
Экстремизм мен терроризмнің алдын алудың ең тиімді жолы – дұрыс білім мен тәрбие беру. Әсіресе жастарға дәстүрлі діннің құндылықтарын түсіндіру, олардың діни сауаттылығын арттыру өте маңызды. Адам діни білімді сенімді, ресми мамандардан алуы керек. Интернеттегі күмәнді ақпараттарға сеніп, жалған уағыздарға ермеу қажет.
Сонымен қатар отбасының рөлі де ерекше. Ата-ана баласының кіммен араласатынына, қандай ақпарат тұтынатынына назар аударуы тиіс. Мектеп пен жоғары оқу орындарында патриоттық тәрбие мен рухани құндылықтарды насихаттау да экстремизмнің алдын алуға көмектеседі.
Мемлекет тарапынан да бұл бағытта көптеген жұмыстар атқарылуда. Арнайы заңдар қабылданып, ақпараттық-түсіндіру топтары жұмыс істейді. Құқық қорғау органдары қоғам қауіпсіздігін қамтамасыз ету мақсатында түрлі алдын алу шараларын ұйымдастырады.
Қорытындылай келе, діни экстремизм мен терроризм – қоғам үшін аса қауіпті құбылыс. Оған қарсы күресу тек мемлекеттік органдардың ғана емес, бүкіл қоғамның ортақ міндеті. Татулық пен бірлікті сақтап, жастарға дұрыс бағыт беру арқылы біз бейбіт әрі қауіпсіз қоғам құра аламыз.

«Интернет ресурстары және 
әлеуметтік желілерді зерделеу”
бөлімінің басшысы 
Отарбаева Арайлым Берікқызы